Ffôn: 01633 483321

Arddangosfeydd Blaenorol

Portal & One Year On

Portal & One Year On

Yn cynnwys gwaith y graddedigion diweddar gorau yn y celfyddydau cymhwysol

Oriel Brif

28 Medi 2019 tan 16 Tachwedd 2019

Mae LGAC wedi teithio o gwmpas y DU i ddewis y goreuon ymhlith graddedigion eleni yn y celfyddydau cymhwysol. Roeddem yn chwilio am y rhai hynny sy’n estyn ffiniau celfyddyd gymhwysol ac sydd ar yr un pryd yn cynnal a datblygu traddodiadau eu crefft. Y rhain yw’r gwneuthurwyr a’r dylunwyr sydd wedi’u harfaethu i arwain a siapio’r genhedlaeth nesaf o artistiaid cymhwysol.

Artistiaid Portal artists
Frederick Andrews, Kim Barnett, Estelle Burton, Siwan Davies, Cat Dunn, Li-Chia Hsiao, Lillemor Latham, Lik Kian LOH & Ngah Tho NG, Ben Pusey, Laura Quinn, Daisy Ray, Izaac Reed, Phoebe Tom-Orr, Georgina White, Xiaoying Zhan


Artistiaid One Year On
Eve Campbell, Veronika Fabian, Alysa Freeman, Pasman Leather, Sam Lucas, Morgan Stockton.

Traces - Kate Haywood

Traces - Kate Haywood

Iaith Clai Rhan II

Oriel Brif

03 Awst 2019 tan 14 Medi 2019

Gall gwaith Kate ymddangos yn rhyfedd o gyfarwydd gan y byddwch efallai’n synhwyro ffurf corn yfed neu balet lliwiau ag atsain o dapestrïau oes Elisabeth. Mae’r arwynebau lle gosodir ei gwaith yn atseinio â chysgodion pethau dynol. Mae ei gwrthrychau wedi’u llunio wrth ymyl ei hymwybod, yn y man lle mae ffuglen a gwirionedd yn gwrthdaro.

Textile Traces: personal stories in cloth Ruth Singer

Textile Traces: personal stories in cloth Ruth Singer

Oriel Brif

25 Mai 2019 tan 20 Gorffennaf 2019

Mae’r arddangosfa hon yn tynnu gwaith Ruth Singer at ei gilydd mewn archwiliad o brofiad dynol a fynegir drwy wneud tecstilau mewn dull meddylgar, llawn emosiwn. Mae ei gwaith cynnil a chain yn cyfeirio at golled, atgofion, breuder a niwed – yn y brethyn ei hunan ac yn ein bywydau personol. Mae cefndir Ruth fel hanesydd tecstilau a churadur amgueddfa wedi ei wehyddu drwy ei gwaith; mae’n creu darnau gydag ymdeimlad o hanes ac awrgym o hen bethau ond gyda stori gyfoes bwerus hefyd.

Catalog arlein

Mae gweithdai cyfranogol yn rhedeg ochr yn ochr â'r arddangosfa hon

Seen and Unseen: Ingrid Murphy

Seen and Unseen: Ingrid Murphy

Iaith Clai Rhan II

Oriel Brif

30 Mawrth 2019 tan 11 Mai 2019

Mae cysylltedd yn hollbwysig i Ingrid, rhwng pobl, lleoedd ac ar draws amser. Mae ei hymchwiliadau’n ein pryfocio ac yn ein synnu wrth iddi gyfuno prosesau cerameg traddodiadol â thechnolegau creadigol. Boed yr olygfa o’r tu mewn i debot neu synau strydoedd Jaipur, mae ei darnau’n ein cysylltu â gwahanol bersbectifau a storïau. Helaethiad ffraeth o ieithoedd a phriodweddau clai yw Gweledig ac Anweledig.

Jin Eui Kim

Jin Eui Kim

Datblygu Technegau a Chleiau Tonaidd Ar Gyfer Celfwaith Newydd

Oriel 3

30 Mawrth 2019 tan 11 Mai 2019

Lansiwyd y prosiect hwn, a ariennir gan Gyngor Celfyddydau Cymru, i ddatblygu technegau newydd er mwyn creu celfwaith sydd â'r potensial i ddylanwadu ar ganfyddiad y gwyliwr mewn celfwaith tri dimensiwn a dau ddimensiwn.

 

Venus

Venus

Oriel Brif

02 Chwefror 2019 tan 16 Mawrth 2019

Nifer o flynyddoedd cyn iddo farw, cynigiodd yr artist William Brown gynllun i gynnal arddangosfa tri artist yn archwilio’r thema Fenws. Ar ôl iddo ‘ddarganfod’ ffigwr addunedol bychan cerfiedig mewn ogof uwchlaw pentref Blaengwynfi, roedd William wedi treulio blynyddoedd yn cynhyrchu paentiadau a phrintiau ar y thema.

Mae Roger Moss a Keith Bayliss wedi ymchwilio a chynhyrchu gwaith newydd mewn amrywiaeth o gyfryngau – paentiadau, printiau, darluniau a cherfluniau i ategu rhai o ddarnau gwreiddiol William Brown. Mae’r arddangosfa’n cynnwys tri ffigwr efydd o ‘Fenws’, un gan bob un o’r artistiaid.